תהילים צ"ב
מזמור שיר, ליום השבת. טוב, להדות ליהוה; ולזמר לשמך עליון. להגיד בבקר חסדך; ואמונתך, בלילות. עלי-עשור, ועלי-נבל; עלי הגיון בכנור. כי שמחתני יהוה בפעלך; במעשי ידיך ארנן. מה-גדלו מעשיך יהוה; מאד, עמקו מחשבתיך. איש-בער, לא ידע; וכסיל, לא-יבין את-זאת. בפרח רשעים, כמו עשב, ויציצו, כל-פעלי און: להשמדם עדי-עד. ואתה מרום-- לעלם יהוה. כי הנה איביך, יהוה-- כי-הנה איביך יאבדו: פרדו, כל-פעלי און. ותרם כראים קרני; בלתי, בשמן רענן. ותבט עיני, בשורי: מים עלי מרעים-- תשמענה אזני. צדיק, כתמר יפרח; כארז בלבנון ישגה. שתולים, בבית יהוה; בחצרות אלהינו יפריחו. עוד, ינובון בשיבה; דשנים ורעננים יהיו. להגיד, כי-ישר יהוה; צורי, ולא-עלתה עולתה בו.
תהילים צ"ב
מזמור שיר, ליום השבת. טוב, להדות ליהוה; ולזמר לשמך עליון. להגיד בבקר חסדך; ואמונתך, בלילות. עלי-עשור, ועלי-נבל; עלי הגיון בכנור. כי שמחתני יהוה בפעלך; במעשי ידיך ארנן. מה-גדלו מעשיך יהוה; מאד, עמקו מחשבתיך. איש-בער, לא ידע; וכסיל, לא-יבין את-זאת. בפרח רשעים, כמו עשב, ויציצו, כל-פעלי און: להשמדם עדי-עד. ואתה מרום-- לעלם יהוה. כי הנה איביך, יהוה-- כי-הנה איביך יאבדו: פרדו, כל-פעלי און. ותרם כראים קרני; בלתי, בשמן רענן. ותבט עיני, בשורי: מים עלי מרעים-- תשמענה אזני. צדיק, כתמר יפרח; כארז בלבנון ישגה. שתולים, בבית יהוה; בחצרות אלהינו יפריחו. עוד, ינובון בשיבה; דשנים ורעננים יהיו. להגיד, כי-ישר יהוה; צורי, ולא-עלתה עולתה בו.